2009年11月29日 星期日

爛笑話 12

上星期和同學們吃大閘蟹,開心到暈。

我懷疑自己是帶菌者,會傳染D講爛笑話嘅病毒。
以前都唔覺同學仔咁...(唔識找一個合適嘅形容詞),我D同學仔大部份都係斯斯文文,好「靜」。可近一兩次提供爛笑話都是他們。
------------

講樣野俾你哋知,原來蟹有'心'架!!!!!!!!!
蟹,仲好'細'心!!!!!!!!!!


水母跟我們說,要挑出蟹心,唔好食。蟹心好寒涼。
聽到之後,我滴了好多汗。
乜蟹有心嘅咩?? 好彩我未衝口而出問,就識推論...係喎,應該有心。
咁個心係喺邊???
水母說在中間,用筷子挑就可以了。
我找了好久還是找不到。結果,我去求援。請同學R幫忙。

同學R簡單一挑就找出蟹心,為了掩飾自己找不到蟹心的無能,我就說「嘩!咁細」(當然,其實我不知道蟹心的模樣,自是找不到)。

誰知道,同學R馬上答我「係呀,好細心嘛。」
然後,水母竟然接道「係喇,蟹好細心,以後話D男仔唔細心,可以話佢哋,佢哋個心唔夠細,連蟹都不如。」

出生日期看一生戀愛運

不負責任聲明:
係喇係喇...唔Scientific嘛。
不過我嘅sampling雖然少,真係覺得幾準。

click

不如擴大sampling,你哋話我知準唔準。

(呀~~講自己就唔準囉。16日出生的戀人,天生擁有一股高貴又冷靜的氣質,他越是保持距離,就讓人越想一探究竟! 我完全唔覺得又唔相信有人覺得我係咁!但係如果只睇「7號戀人」都中嘅...)

2009年11月27日 星期五

新聞

1)
facebook自殺群組事件好像愈鬧愈大,接二連三收電郵「提醒」「跟進」。
我的跟進方式就係forward電郵。今朝打電話俾廠長「提醒」一下,佢哋原來收咗SMS,真係估佢唔到咁先進。

究竟哩次會唔會有驚無險?

其實係咪日日都有細路 attempt suicide 架...點知關唔關今次事?

2)
李誠:顯見醫院走漏眼 (明報)
【陪審團建議醫院日後加強精神病人出院的評審機制,包括要多過一名醫生或資深醫生負責檢查及同意讓病人出院。】
【李誠: 假如有資深醫生或臨床心理學家反覆跟進,便不易「走漏眼」。】
好彩李誠都 quote 精神科醫護人手比例,之前有報導話個官質疑主診醫生經驗淺,其實我會懷疑資深都可能出事喇。醫護人手比例咁差,醫生見得病人幾耐? 可以有幾了解?

【資深醫生和臨床心理學家主要聽取主診醫生的意見而評估...】
忽然諗,其實聽主診醫生的意見而評估已經唔錯。門診嘅個案「只」聽阿媽講,問題仲多。喺學校曳到飛起,勁hyper又話俾醫生聽無事;一兩次發脾氣唔想做功課就話有對抗性;自己心急阿女唔係又話佢唔專心,跟唔上指令。有病唔認有病; 無病又話到個小朋友有病。「聽取阿媽的意見而評估」都幾大鑊。好彩間唔時醫生會排d小組再做觀察先斷症,不過d小組又係排長龍。

3)
【中大醫學院內科及藥物治療學系教授江碧珊解釋:「缺乏睡眠會令神經內分泌失調,令飢餓荷爾蒙及壓力荷爾蒙皮質醇上升,交感神經系統亦長期處於作戰狀態,引致肥胖。」】

嘩~積極鼓勵我做個乖寶寶,完全justify我成日要瞓覺。

2009年11月24日 星期二

爛笑話11

我有時都會擔心被炒魷魚,到時可以做咩?

宜家我諗到其中一份職業 - 就係做 間諜 !!!!!!!!

細個睇電影以為做做間諜要樣靚身材正,咁我當然絕對一定無份。
但係我之前又看過電影(或者書或者報紙),間諜係要毫無特色,零注目,任務才能容易成功。
我掂喇~我掂喇~我一定可以做個一流間諜!


背景資料:
我在一學校工作一年零四個月,雖然不是每天在學校,總算一月兩次甚至三次,又曾經有三次在大夥前站台,不停說話,催眠他們三小時。

故事開始:
早日我需要打印筆記,就走上教員室。
Y老師拿着一張Memo,走到我身邊。我瞥見紙上寫學生名和「言語治療」。
Y老師「QQ家長問點解之前佢個仔有服務,今年無喎,佢想知原因。」
雖然我覺得有點奇怪,還是有禮認真的回答她。

小星「不如你問 X 主任,佢可能會知。」
Y老師一頓「唔係你負責?」
小星「唔係呀~」
Y老師「佢哋叫我搵田姑娘,話田姑娘負責」
小星「係,應該係田姑娘負責,但係....我唔係田姑娘」
答到最尾我已經忍唔住笑。
Y老師好似呆一呆,轉身即走。

言語治療師跟我的高矮相貌完全不同。
言語治療師每星期都訪校,又多上教員室走動。
根據了解,言語治療師更曾與老師們 (包括Y老師) 唱K!!!!!!

咁,我少走動姐...可月初才跟他們進行講座。
我這張臉令人過目即忘,或跟其他人的樣貌'相融',實天生是間諜的材料。

2009年11月22日 星期日

2012

昨天和娜娜去朗豪坊看2012,沒有很好看也沒有多失望。
劇情一貫誇張老土,特技很厲害,可災難片不就是應該這樣? 就像你走入麥當勞叫個早晨全餐,付錢買大堆頭,不會驚喜也無失望。夠標準!

我其實看到中段已啟動胡思亂想模式。就是看到黑人男主角與爸爸話別,爸爸的回應那段 - 老人家不願離棄好友,又覺得死而無憾、不枉此生...
---------

我是否「不枉此生」? 曾愛過被愛過、快樂過傷心過,有閒錢買乳酪雪糕買我所需要的和很想很想要的。我(曾)有美好的親情友情愛情,過平凡又安穩的人生,算是有福之人。

後來與娜娜談到,戲中大夥努力求存,可如果我倆活在這種災難,應該是馬上死去的一群。我們都怕苦苦掙扎,痛快的死也是一種解脫。當然也可能是我們都沒有甚麼捨不得,沒啥牽掛。戲中的父母都是為孩子而出盡法寶。

娜娜亦說假設真的世界末日,比戲中更黑暗的事都會發生,而且會有很多黑暗的事。噢,是的。還未世界末日已經有各式各樣的黑暗,任我如何躲在殼中逃避着,也讓我知道難過。



其實...真會在我們有生之年經歷世界末日嗎?

2009年11月18日 星期三

DC

我想買個輕巧型數碼相機。

對拍攝技巧零知識的我,想有個auto mode做得好d的相機。
傻瓜機配傻瓜人會好襯。

猶豫猶豫猶豫

人家說panasonic的IA好,我就去看看。去到百老匯,售貨員哥哥卻說現在很多品牌的auto mode更好,更多function。咁點好呢?

又有好多人叫我買canon。我之前都用canon,都幾滿意。
不過s90得3.75x,但係話影室內&夜景好d,朋友聚會都係室內多......(廣告/宣傳都好勁)

我其實一直睇緊5x以上的傻瓜機,zoom 遠d開心d 嘛。
然後,我告訴嘉雲這個想法。
嘉雲「你又唔係做私家偵探,zoom咁遠做乜!」
我又覺得好有道理喎。

咁即係點呢?
猶豫猶豫猶豫

2009年11月17日 星期二

現實

忽然想起一些舊事。


每位女生身邊總有些朋友「教路」。
賢的是她她她,愚的是我,爭什麼?

明明一早知自己資質欠佳,人家食鹽比我食米多,我竟暗道人家「現實」﹑「太計較」云云。時間證明她們對的,我是錯的。
我自以為是,不聽勸告,活該心酸。

疑惑

因為有些人的快樂而快樂,卻做着令自己受傷受苦的事,是錯的?
可是前設既是:「因為有些人的快樂而快樂」是樂中有苦或是苦中有樂?

如果尋求快樂是人生的意義,以自己的快樂為先是應該的吧?

自己快樂令他人不快樂是可以的嗎?

「為他人著想」是令自己快樂還是令他人快樂?

以自己的快樂來行動就是自私嗎?

「自私」何解?




究竟我在想甚麼?

2009年11月13日 星期五

病假

因為上星期有兩場 'show' ,之前自己回覆留言說 can die but not sick。
其實我後來發現,可以病的 - 只要不請病假。(或者請病假照返工)

上星期 profile msg 整咗一句「為了不想失約,連病都不敢痛」,為件事添了兩分浪漫色彩(ya,自我陶醉)。部份老師見我矇面+「磁性聲音」+不停抺汗是有點擔心 (感動位係有個主任去Office借把風扇吹住我,我聽到佢哋估我發燒)。但相對擔心,他們對我說「今日提早收檔」的反應更大,更正面。

話說今日見到 Da 姐寫 'Got good evaluation in a teacher talk today, and the most frequent praise was 'excellent time management' :P'﹐我就想起抱恙出Show,或將資料濃縮或播片或玩遊戲或派小禮物都不及「準時放,甚至早放」有用地取得好評。

我是挺有感慨。

2009年11月8日 星期日

爛笑話 10

WY「做咩睇篋?」
小星「D工具愈來愈重,想買個返工。」
篋的價錢不便宜,我看得直搖頭。
WY「咁你買個小學生書包囉,好似D小學生拉書包返學喇。」
小星「我大人黎嘛。」
WY「咁你應該買個 LV。」

爛笑話 9

WY問「你把聲做乜?」
小星「病。」
WY「病你唔帶口罩?」
小星「咁點呀,係咪唔一齊食飯?」
WY「唔係,不過你病唔帶口罩,會傳染D病俾小朋友。你要攬攬錫錫D小朋友 嘛。」
小星「我俾人叫做『小姐』,但唔係真係做小姐架,唔會攬攬錫錫D小朋友囉。」

原來我嘅「專業」,人哋除咗以為講嘢就得,仲有以為要攬攬錫錫。

剪髮

今天剪了髮。
本來應該上月剪的,但一直猶豫就沒有行動。

猶豫,因為上月與同學聚會時看見康妮燙染髮,好美哦。

我...也想東施效顰。

明知自己是東施,盲目跟風,就算效果沒有康妮的好也罷了~ 可是想到燙染髮要$800大元,我就捨不得。可是可是!!人家好美好美好美好美好美好美。


幾番掙扎,我還是決定...........只花$40剪髮。
(不是小童剪髮,小童收$30)

「賺」了$760,我可以買好多杯乳酪雪糕了。

2009年11月7日 星期六

仁醫

正追看日劇〈仁醫〉,主題曲幽美動人。


不能嵌入,有興趣請按此 逢いたくていま by MISIA

2009年11月5日 星期四

陽光幾句

偶爾,心情不佳的時候,自己就好似在一個黑暗的房間。

早前,有幾句說話,突然像陽光照入暗房,令我精神為之一振。
**************

有一個面圓圓的小男生z,接他時,剛巧是小息完畢。他一臉大汗,面蛋紅紅似蘋果,又笑容可掬。一照面就有精神的跟我打招呼。我和他閒聊。

小星: 「剛小息完?」
z: 「係呀~」
小星: 「做咗d乜呀?」
z: 「射籃球...同xxx一齊...」
小星: 「嘩~你好開心喎。」
z: 「係呀! 開心到暈!

這小子,一句真心誠意「開心到暈!」就似陽光。
這種毫無雜質的快活,感染力很是強大。

是否長大了,就不同了。大夥總是有一二三四五六樣煩心的事。多久沒試「開心到暈」的感覺; 多久沒跟親人朋友說說高興事?
**************

之前,家中有些小麻煩。還好,有長輩幫忙。

他教我去店裡這樣做那樣做,我將事情未必如願的擔心告之。
他答:「別怕! 如果有人蝦你,我幫你出頭。」

你有多久沒說過或聽到這句?
可以信心滿滿的支持他人,多麼美好。
可以得到支援,在煩憂時是多麼珍貴。
**************

其實,近月還有一兩次感受到「陽光」。
可是「陽光」是因為那一個人說,而不是那一句。
嗯,我就不寫了。