2009年11月24日 星期二

爛笑話11

我有時都會擔心被炒魷魚,到時可以做咩?

宜家我諗到其中一份職業 - 就係做 間諜 !!!!!!!!

細個睇電影以為做做間諜要樣靚身材正,咁我當然絕對一定無份。
但係我之前又看過電影(或者書或者報紙),間諜係要毫無特色,零注目,任務才能容易成功。
我掂喇~我掂喇~我一定可以做個一流間諜!


背景資料:
我在一學校工作一年零四個月,雖然不是每天在學校,總算一月兩次甚至三次,又曾經有三次在大夥前站台,不停說話,催眠他們三小時。

故事開始:
早日我需要打印筆記,就走上教員室。
Y老師拿着一張Memo,走到我身邊。我瞥見紙上寫學生名和「言語治療」。
Y老師「QQ家長問點解之前佢個仔有服務,今年無喎,佢想知原因。」
雖然我覺得有點奇怪,還是有禮認真的回答她。

小星「不如你問 X 主任,佢可能會知。」
Y老師一頓「唔係你負責?」
小星「唔係呀~」
Y老師「佢哋叫我搵田姑娘,話田姑娘負責」
小星「係,應該係田姑娘負責,但係....我唔係田姑娘」
答到最尾我已經忍唔住笑。
Y老師好似呆一呆,轉身即走。

言語治療師跟我的高矮相貌完全不同。
言語治療師每星期都訪校,又多上教員室走動。
根據了解,言語治療師更曾與老師們 (包括Y老師) 唱K!!!!!!

咁,我少走動姐...可月初才跟他們進行講座。
我這張臉令人過目即忘,或跟其他人的樣貌'相融',實天生是間諜的材料。

4 則留言:

匿名 提到...

佢好「火羅」~

同學 R

小星 提到...

真係好好笑。

不過俾人認錯唔係第一次。我個樣太太無特色,難認。
我有沒有告訴你,去年有一個廠長將我和一社工混淆。我告知他我要早退,他望我兩秒,說「呀,你是XXX姑娘。」我要糾正他哩~

Andy 提到...

Hey, I'm surprised they didn't think you were one of the students! :-)

小星 提到...

Andy

We wear uniform in HK. It's easy to differentiate between staff and students. AND I don't look soooooo young!