2010年2月28日 星期日

女人呀女人

我星期五在包好部。
黃昏時份有個朋友喺MSN叫食飯。

小星: 但係我今晚諗住睇戲喎
朋友: 咁睇乜
小星: 神火之賊, 不過我無預同朋友睇,唔知九龍或者香港邊間戲院有,你搵下先。
朋友: 朗豪坊有,不過得頭兩行。
小星: 咁我照原本計劃,自己去屋企附近戲院睇。
朋友: 不如睇 'up in the air' ,朗豪坊好似幾多位。
小星: 我無興趣呀,你搵其他friend睇喇。
朋友: -_-" .. 妳係唔係女人尼架 ...
朋友: 居然會中意睇 神火之賊
小星: ...

頂!!!!!

哼!我星期六睇埋公主與青蛙tim呀!

2010年2月25日 星期四

周未的空閒時間多。

空閒時間...有些人努力上進,有些人造福社會,有些人無無聊聊。
努力上進的人可能考多一張文憑或學多一種語言。
造福社會的人可能去做義工。
無無聊聊的人可能......
總之有正事不做,虛耗光陰。


我當然屬於無聊一族。


看劇看得膩了,想轉轉活動。
「貫切「宅」這身份,不如學打機?」抱著這個念頭,我上網搜索資料又問朋友買部xBox360或者PS3好。這個支持xBox360那個支持PS3。

然而,嘉雲同學果然是搞教育的! 說小星已經過了 critical period, 又無相關dendrites,不會玩得好。玩得不好又不想玩。買遊戲機玩不了幾次是白花金錢,好浪費。嘉雲同學說得好有道理! 我人到中年才學「玩」是挺困難。

正想放棄,WY說 xBox360好。論點已經忘記,反正最後我家裡住了xBox360。
因為有人不玩了,聽說xBox360放到發霉,可以無限期出借。

這下好了,既然 xBox360免錢,「學打機」成本近乎零。
看我甚麼時候開始「學習」吧~

2010年2月21日 星期日

過年

從小便不喜歡過農曆新年,家人總是會在此時段吵架。

-----
團年飯要有雞有蝦這類好意頭食品,聽說香港總會漲價。
我叫我妹由台灣《醉的小品》帶貨。
-
蝦,非常了得!! 極推~
土雞嘛,我媽覺得好。我就一般。
雞是有雞味,皮又爽,不過肉太結實。真的! 不是'鞋',是結實。
不過,我比較喜歡滑雞。

-----
買了好些新衣服過年。其實,新年買新衫這個藉口好爛! 看見affordable又鍾意的衣服,何時何地都會買喇。

------
今年到初七才吃了蘿蔔糕。
是咁的,我本來打算消磨時間自己做蘿蔔糕,媽咪唔想,加以阻撓。結果我又無買又無整。我有理由相信到初七,超市蘿蔔糕減價,所以媽咪就買了。買了就跟我說她買了最好的蘿蔔糕,在惠康。
我沒好氣,她說啥就啥。

-----
由於怕連續幾日的紅日會悶,放假前我已從箱底找出「亂世佳人」DVD,準備看第 1x 次。
結果這個假期也沒有特別難「過」,我沒有再次看「亂世佳人」。我除了如常看日劇,就另外完成'heroes'第一季。又看了 '72家租客'電影應節。

呀! 仲意外地唱咗k。
(這個還在考慮要不要詳述...)

-----
我初四開工,上星期都一直在包好部。
有兩封開工利是,男同事都有派。最爆係其中一位唔派唔知結咗婚!!

-----
一直在包好部呢...就可以隨時請假。我初四初五都請了comp leave、初六請半日假入機場睇4D阿凡達。

2010年2月14日 星期日

送牛迎虎

祝大家

身體健康
生活愉快

2010年2月13日 星期六

天增歲月人增壽

我有許多許多不知道的事
我不想知道

我有許多許多不明白的事
我不想明白

如果蒙蔽眼睛,可以快樂生活
啊,不!
如果可以平靜生活
如果無苦無樂
如果我掌握

年年月月日日,或快或慢流逝
我從不想知道或明白甚麼

2010年2月11日 星期四

今日一出屋苑就見到一位女子在我四五步前。
她穿著短裙。裙是黑色的,影襯一雙線條極美的腳,很好看。
維持四步距離一直跟隨她走,一邊看看看。

疑惑點解看起來又白又滑,點解點解無毛孔咁,她是否穿了絲襪?
咦...點解要過馬路?
原來不知不覺就跟著她走了很遠的路,到發現時已經走過了兩個街口。

嗱,我唔係沉迷女色,我只係沉迷思考。
真架真架!!

2010年2月10日 星期三

工作點滴

廠長: 星姑娘,我知你鍾意燒嘢食,XX號黎我屋企燒嘢食喇。
小星: 我放紅日,如果嗰日要請假。
(以為甩身,係,我係好想燒烤,但唔係咁想同廠D人有公事以外嘅往來。)
廠長: 請假就唔好,不過我會搞7-8次燒嘢食,搵日紅日安排D主任黎再嗌埋你。
-----------------------

同學: 我啱啱喺走廊暈咗,有個學生見到嚇咗一嚇。之前喺間房都暈咗一次,不過好快醒返。
小星: 咁你仲唔走,快D返屋企休息喇。
同學: 但係等陣有家長組。原本個半鐘,我諗住縮短講一個鐘。
小星: 仲講?!你暈喎!!!!
同學: 宜家好D,食咗飯好D。
小星: 個組幾時,講乜架?
同學: 大約45分鐘之後,依唉唉嗰D囉,十零人。
小星: 咁我定時打比你,睇吓你有無暈低。你唔接電話,我打去廠叫工友救你喇。
--------------------------

工作點滴

F: 星姑娘,我係 2A XXF。
小星: 好有禮貌喎,你坐喇。
指示他坐學生木椅子。
F 郁黎郁去,好像坐得不舒服。
小星: 好似有D細,咁喇我哋去長枱嗰邊,有大嘅轆轆凳。
F 仍然郁黎郁去,好像坐得不舒服。
小星: 都係唔OK咁,不如你坐梳化。
F 跟從指示。
小星: 舒服嘛?
F 點頭。
小星: 咁你坐好,星姑娘坐哩度喇。
然後我坐在學生木椅子。

唔係我偏心,俾F有好選擇然後委屈自己坐初小學生椅子。
阿F呢,144cm,95kg。
老實講,與其關注學習問題,不如花多D精力搞體重。
------------------------
s是一位高大俊俏的男生。
某日,我和他見面。

s: 聽你話好唔好? (之前已經問咗4次)
小星: ......(睨視)
s: 我聽哂你話好唔好?
小星: (平靜地)乜你可以唔聽話咩。
s:我聽你話。

3秒後

s:聽你話好唔好?

2010年2月9日 星期二

看電影

近來想入戲院看的電影是

1) 西傑克森:神火之賊
2) 公主與青蛙

其他
電影是有興趣但買VCD/DVD就夠了,去戲院看的沒有特技,畫面還是要華麗一點較「抵」。
不過......身邊友人對卡通片興趣有限,應該又要一個人看了。

2010年2月6日 星期六

南生圍

賣廣告時間:

南生圍有雀睇。
南生圍風景好影相靚。
南生圍踩單車遠足好。
南生圍交通方便容易去。
南生圍有全港唯一人手船渡。
南生圍野餐豆腐花公仔麵正。

--------------------------------
-

--

-

+++++++++
同場加映: 開心大發現
--
我喜愛這個椰青,連Wallpaper也用這個的。
可能「對」多了,笑容都成功變「V」字樣哩~

幻想時間: 「多了,眼睛會變大嗎?

2010年2月5日 星期五

用詞

反歧視意識漲
「矮」變「身高有障礙」

05-02-2010
明報

「retarded」意指「智力或精神發育遲緩」,特殊奧運會譯為「白癡」。它曾在美國社會廣泛使用,但因語帶貶義,在1990年代開始成為「打擊」對象。特殊奧運會兩年亦曾發起運動,呼籲人們禁用「白癡」字眼。
無論美國還是香港社會,近年都提倡在語言運用上要尊重不同社群。在美國,一些「政治不正確」的詞語面臨被淘汰,如許多形容身體的詞語,便改為帶「challenged」(有障礙)的詞組,以下是部分例子﹕

retarded (白痴)-->mentally challenged (智障)
disabled/handicapped (殘廢)-->physically challenged (殘障)
dumb (唖)-->verbally challenged (語障)
deaf (聾)-->aurally challenged (失聰)
blind (盲)-->visually challenged (失明)
dwarf (矮)--> vertically challenged
fat (肥)--> horizontally challenged
----------------------------------------------------------

反歧視自然是政治正確。
有時我卻會想這是否矯枉過正。「白痴」比「智障」難聽,那末「弱智」呢?
又,可能我英文差,感受不到 handicapped 和 challenged 的分別。當然,如果聽的人覺得以 "XX-challenged" 形容會舒服點,我十分願意用這種字眼。

不過,有一些事實,無論用任何字眼都是令人傷感憤怒。

如果你子女 IQ 只有四、五十,用甚麼詞一樣難過。
如果我眼睛看不見,無論你說我盲和失明,我也一樣絕望。


我想起有人說 meaty 不等於 fat。
大概有些人認為用詞政治正確就大哂。
或者,以為聽的人是 mentally challenged (智障)。

2010年2月1日 星期一

魔掌

有個客仔由一間廠轉去另一間廠。
我本來以為甩咗一個古怪客,但係......唉!

「係你嘅,始終都係你嘅!」
嘉雲這句說話很有意思。

我唔應該諗我慘,雖然都真係有幾多嘢跟。
不過我要處強勢位置,應該諗「客仔轉完廠都逃唔出魔掌」。

咁我係咪「強勢」d「型」d?