2010年3月3日 星期三

關於工作八九句

我一般識新朋友都不會主動提起職銜,因為我會覺得不好意思,我到現在還是有時候覺得在進行角色扮演。另外又怕新朋友會「誤會」,因為職業類別屬於人數少的冷門行業。我不想他們問笨問題,不想他們stereotype,我一般都輕輕帶過職業介紹。

其實,就算舊朋友都時有誤解。當我說我是一個大打雜,學校那裡需要幫忙就要做。朋友總以為我說笑,「打雜」這名稱不好聽,但實際上我們的工作範疇很廣,我真的對工作有這種「乜都關事乜都要做」的感覺。

最近有個新的例子,我被要求訓練/裝備學生上台演說技巧。咩事呢? 我自己講嘢都一舊舊亂七八糟。我向朋友求助,襄助我一些資料,免得我大海撈針。她為我感到忿怒,認為這些不是我的工作,我乘機跟她解說,「我不是說過我是一個打雜嗎?」
----------------------------

我不是每天到同一個辦公室。我今天的辦公室平常沒人進去清潔。我通常一個月去兩至三次, 但因為某些原因,我上月沒有去過。早前 (其實宜家都係) 好潮濕,我今日返到去見到原本紅色大班椅,好鬼大張,頭呀頸都可以'埃'住嗰d,有兩層 或者三層??霉總知好多位都唔見唒紅色!!!!!!!! 我雖然好鎮靜的通知校務處,又有工友用濕布抺乾淨,但係我估佢無落消毒藥水。結果我整個早上坐另一張凳。嗰張凳都有少少發霉,不過在椅靠位置,工友抺乾淨(但係用同一條布...),我又成朝警惕自己唔好掂到。 由於早上太不安,心緒不寧,就甚麼都沒有做,乾等午膳時間。終於等到午膳時間,我跑去萬寧買75%外用消毒酒精。心想: 應該可以了吧? 我倒酒精在抺手紙上,應該夠力殺菌??

即係咁,清潔唔關我事,但係我好去投訴工友的不是嗎?
------------------

我還是沒辦法掌握自己的立場和態度,不知如何要求或拒絕。

5 則留言:

小玄 提到...

剩係知你要去不同學校做野. 我不想做苯男人..所以唔會問你職業 :P

係呢...唔再寫爛笑話嗎? 期待中~
仲有新年唱K仲未寫..應該有爆笑料..呵呵呵~

Miss Kwong 提到...

你的做法無問題,況且得罪工友不太好。

打份工吧!

小星 提到...

小玄

不是問做啥職業笨,而是當知道我所屬的行業,部份人總會問一些笨問題。

為了獎勵定期閱讀和鼓勵經常留言,我答應七天內寫一篇「爛笑話」。(我諗起電台點歌...)
唱K那個應該都會寫嘅...我再諗吓點present喇。

小星 提到...

Miss Kwong

得罪工友不太好 <--說得再對沒有!!!

小星 提到...

新年唱K當寫咗,請參閱爛笑話14&15