2010年6月30日 星期三

現實是...

現實是世界有黑色白色和灰色。
現實是人都是自私的。
現實是自私是應該的。
現實是如果太偉大就有死亡危機。
現實是阿公有好多錢資助主流學校支援有特殊學習需要的學生。
現實是學校不想要。
現實是要錢要做嘢。
現實是做嘢做得好無著數。
現實是學校怕太吸引有特殊學習需要學生的家長報讀。
現實是學校做咗嘢幫弱勢都唔想俾人知。
現實是學校寧願拔尖不想補底。
現實是搞深課程等跟唔上的知難而退。
現實是做得好多咗有特殊學習需要學生,學校人人陀陀擰。
現實是有方法的老師通常教好班。
現實是有特殊學習需要學生需要有方法的老師教。
現實是有特殊學習需要學生通常在差班。
現實是一般家長會揀有好學業表現的學校。
現實是多有特殊學習需要學生的學校難以提昇學業表現。
現實是唔夠學生會殺校。
現實是我明白點解學校叫大家唔好做咁多做咁好。
現實是我依然會唏噓、唔開心。
現實是唔開心唔係大哂。
現實是...

2010年6月29日 星期二

是日收穫

1
可以吐苦水。
我真覺得心有不甘,被明白,感覺好多了。

2
在演講廳沉睡45分鐘。
無夢無苦無痛,睡醒以後精神爽利。我真的很少聽書睡著的,連釣魚都接近沒有。今天這一睡很是難得。

3
買到兩條合身短褲。
兩條褲一樣款,不同色。
媽咪問「賣剩這兩條?」小星「不是」
媽咪問「買兩條平D?」小星「不是」
媽咪問「咁點解要一樣款買兩條?」
我馬上試穿。「看!! 合身呢!!!」
媽咪「嘿嘿」兩聲,這次卻不會囉嗦我。

我已很久沒有買到合身的褲。不是很久沒有買新褲,是很久很久很久沒有買到合身的褲!!
由於身型很差很差,十分十分糟糕的關係,總是買不到合身的褲(其實上衣也有dd困難)。難得看見合身的,就算有小瑕疵,也忙不迭掏錢包。

這個可憐人今天不太可憐~

2010年6月28日 星期一

爛笑話 23



壽命已盡~
嗚呼哀哉!

2010年6月26日 星期六

爛笑話 22


黑旋風好嘢!!




投訴

有廠打電話黎通知我,嗰客(仲要唔係我賣嘅包)嘅阿媽打去投訴我。
嗰客仲要乜LABEL都無,排中間。
投訴我,因為我同阿婆傾唔係同佢傾喎。
我有交帶阿婆同阿媽講有需要再聯絡我架喎。

哩D咪係官僚催化劑囉。

嗱,我唔好打電話。你請假,指定時間指定日子黎囉。
唔得?! 再排下個月囉,我一個月到會兩次遮。
10分鐘講完,你咁情況我都無嘢好講,都無GROUND囉嘢,要乜無乜。
咁啱哂規矩囉。


上年整一件玩錄音,今年整一件玩規矩。
好好,教精我講少D做慢D。

唔官都要學官。
我係廢但無錯,咁樣咪平安大吉囉。

海洋天堂

* 海洋天堂無乜煽情,咁真係阿爸會死先,社會無乜資源俾佢哋。
* 好正面,無壞人無歧視無欺凌。
* 李連杰好好好戲。`
* 文章嘅外型都幾似自閉症D靚仔型。
* 導演有搜集資料,大福(文章)的重複說話、小動作和喜好都「真」
* 大福的角色設定除了有「自閉症」,應該加入「中度智障」。
* 已即時取了2nd, 3rd, 4th...opinion,D專家咁覺得。
* 有D假囉後來,可能剪接問題或者漏了交代 - 邊有突然咁快學識D技能。
* 仲有度唔係幾妥嘅地方 - 大福俾阿爸鬧完安安靜靜蹲下來喊,有無咁乖同咁恰當表達情緒呀?
* 桂綸鎂嘅角色好無謂。
* 我會怕小丑。
* 本來無謂都OK,如果係靚女。嗯,可能我又唔覺佢係靚女。
* 其實套戲想點呢? 教育大眾? 應該唔得囉。
* 我唔會特別推薦人去睇,如果無背景資料,未必明阿爸點解咁無奈同苦。
* 未必遮,但係可能都會明嘅。
* 如果睇,可以帶定紙巾入場。

2010年6月20日 星期日

* 應該有講過我對金錢無乜概念同唔識處理。

* 去年我都可以每月有一整筆數累積,容易睇,e.g. 1+1+1+1/2+2+2+2 咁上。我大概知自己有儲多少錢。
* 今年不成,好鬼煩!
* 簡單諗,將現有的存款減去年8月底的數就等於儲起多少錢。
* 但係咁唔啱,因為我嫌煩,幾個月前已一次入幾千幾萬到兩張信用卡同供樓戶口。先俾未來錢!
* 不過我懷疑應該成年無新儲蓄。
* 舊年我可以每月儲到人工一半。所以同學朋友覺得我好「節儉」。
* 其實我不介意穿舊衣服。
* 一個$12 味精午餐和一個$120定食也沒有甚麼分別。
* $70買張戲飛或者用13吋筆記簿型螢幕電腦、有廣告的電視,我不覺得有大分別。
* 所謂的護膚品,美白補濕甚麼的,已是多到未用已過期階段。
* 呀! $10嘅雪糕同$30有分別。
* 自從有人同我講「用錢解決問題」,我開始不停用錢買開心。有了以上的經驗和對比。
* 效果唔顯著,可能我不夠多錢,不能多用。
* 其實我唔明點解d人可以不停消費。
* 雖然我唔知香港人工中位數係幾多,但係又信自己賺多過中位數。
* 每年交稅同保險已經無咗2個月人工。
* 如果我這樣消費已令自己一年零儲蓄,d人點可以Gucci又LV、置地High tea 完去spa?
* 好鬼煩~
* 我反省過架喇,繼續放縱自己到8月底。
* 9月開始迫自己每月定25%儲蓄,唔好怕煩,逐月遂戶口入數。
* 其實點解定25%唔係20或者30呢?
* 我都唔知。

2010年6月19日 星期六

哈。薯

昨晚與女友飯後逛街。我想買一對拖鞋涼鞋,去旅行走很多路的話,不是穿波鞋就該穿這種吧!
去到Counter,看不見心目中的款式 。顏色對,卻形態不對,只有'1條帶'。我拿起一'3條帶'的豹紋鞋款去問sales小妹妹,最終結果是「沒有」。我買不到要的,就開始e-e-em-em,「'3條帶'的才舒服好走,明明雜誌有嗰個款,依家得豹紋...」女友馬上說,「不要買豹紋,今年唔興架喇」。我不加思索,開始亂蹹「我緊係唔會買豹紋喇,佢興我都我唔會買,我走甜美風嘛~」。 (那個甜美風可以不用理會,好明顯我順口搵d嘢回應。) 誰知道我的女友仲順口「你不是走性感路線嗎?!」我馬上笑到傻。

{回憶Mode}
是這樣的,聖誕節節前後,與幾位女友相約要吃火鍋,先在朗豪坊集合。等的時間看可愛的佈置就拍照了,拍照途中,忽然,其中一位美女說「嘩小星好性感」。另外的女友啞然,我則傻笑。遲來的高貓不知事情經過,她見我會隔一陣子就忽然怪笑(因為我個腦不停loop美女說的那一句),以為我神經病。其他友伴於是解釋。高貓就說要看那張照片了。

12. 2009
沒錯!!! 高貓跟大家一樣,完全不知所以然。「性感?!佢由頭包到落腳喎」。

然後,我卻又想起高貓對我另一張照片的評價。
8.2007
「咦小星,你做咩影到成個AV咁」
--------------------------------------------------

上文提到誰知道我的女友仲順口「你不是走性感路線嗎?!」我馬上笑到傻,其實我笑完又噘嘴的。我說「今天上班,同事問我做乜唔著褲」女友「吓?!」我「係喇,條裙都仲長過短褲(應該是一樣長),我馬上有拉高半寸證明呢!」這次換女友笑到傻。

2010年6月16日 星期三

窮忙

看完星期二檔案2010-06-15 - 窮忙

心,很不舒服。

這是什麼世界......

喜歡

我是真的喜歡。
我只咬喜歡的。

攝於2008.夏

我喜歡別人摸摸頭。
我喜歡摸摸別人耳。

2010年6月15日 星期二

遇上

時代廣場見到3眼仔,好多好多3眼仔。我有同佢哋打招呼,佢哋都有。
(我話有就有!! 我同佢哋心靈感應~)


我好開心。


呀! 巴斯光年都喺附近,佢雖然唔靚仔,但係高大威猛,又係正義朋友......我都有少少鍾意佢。

2010年6月12日 星期六

壞人

我已經是壊人了。

有人死了,我只顧問幾歲、哪一區。撇清能有關自己的事,就繼續食飯聊天。
電話通知一家長報警,因小二的兒子被同班同學打。我說「報警? 哈! 第二單了」。
那些父不詳,母吸毒死亡,兩年轉3個寄養家庭/院舍的,我絲毫沒有放在心上。
自閉症小孩對著閱讀理解題目嚎啕大哭,我也平淡地跟老師說「那也沒辦法」。
過動兒失控要白車送院,母親和兒子在病房互罵。我知道了在訕笑。
還有那個女的上月不知為啥倒立大叫,我到現在還未見家長。

同事跟我說,近來很難過,都沒辦法幫那到小朋友。
我不難過,我是壊人。

2010年6月9日 星期三

紅衣

早日穿紅色的 POLO T-shirt + 短褲 + 波鞋返包好部。

那身裝束讓我被才子C嘲弄,「小星,你今日去行山呀?」

哼! Why not?? 我高興喎~
我穿這樣,代表我工作上的危機s離我遠了點囉。

4月底到5月底,幾個炸彈上身,人是蹦緊。炸彈,感覺隨時會爆炸。
正如嘉雲同學提醒我,都是不要有紅色在身,以免應召時衣物太過增慶。我自己返包好部又要避卡通衫短褲,因為炸彈不會擇日爆(如果落廠時爆,我衣服不會有問題)。

其中一個炸彈,終於在上星期爆了。
如何迴避爆還是爆,不過,幸好,是小爆。有句俗語說「除死無大礙」,沒有死就是小爆。雖然我為大家的努力因這種小爆而白費,感到失望沮喪;為主角要重新來過感到難過可惜。

其他的炸彈「似乎」藥引斷了,至少我自覺危機離我遠了,可以穿紅色行山裝。

行山裝好過份嗎? 下次返包好部,我要穿短裙拖鞋!唔係咩呀~

2010年6月6日 星期日

合唱團

以前參加童聲合唱團,由小學到中學差不多十年。每個星期六下午都要練歌。天賦所限難成大器,倒是對童聲合唱多了點認識、培養了興趣。

我常覺得沒有和一般青少年一樣迷明星,除了我媽限制我看電視,就是參加了合唱團。(同埋真係好鬼忙,一年幾次表演,又要加班練歌。)
當時應該唱片業蓬勃,當紅演員都走去唱歌,唱片又會賣得。極佳例子是梁朝偉,最記得有一天指揮說「你們這班人學唱歌這麼年,要聽歌都要識分好壞,好似梁朝偉咁嘅歌都賣碟,真係...」「我欣賞周潤發,佢知自己紅,出唱片都總會有人買,但係又知自己唔識唱歌,唔想呃人錢...」(內容大意)。可能我誤會了,但那時候,我真有種感覺他是指流行曲「不大好」。然後,我有點怕自己「喜歡」了不應該的對象,被看不起。

現在看來,不屑流行曲是挺無謂。也不是古典音樂比流行歌高尚或者難。
其實,童聲合唱的技巧和唱流行曲是兩回事。唱得好童聲合唱歌曲不一定會唱好流行曲。

年紀愈大,我就愈少了人、物、事「看不起」。
流行曲是其中一例。

2010年6月5日 星期六

原來加一百幾十條大纜,都同幾位歌手有d、d、d、d關係。
留個紀錄先。


成功自殺十個八個
試自殺一百幾十個
諗自殺一千幾百個
話想死一百幾十萬個
(應該估少咗)

有悲劇就識得講哩講路。
關心多D注意多D監察多D,但係又唔好太多變成不自在壓力同歧視。
我問你,你朋友同學同事有自殺機會你點關心多D注意多D監察多D?

爛笑話 21

昨晚李卓人講咗個爛笑話。

李卓人「...警方強搶民女...」

真係要多謝香港警方強搶民女囉,唔係邊有十幾萬人。

2010年6月2日 星期三

和友伴吃飯,我提到想聽譚詠麟演唱會,他們皆不屑面孔回應。有人更斷言沒有人陪我看!!! :( 咩喎...我係鍾意譚先生D舊情歌嘛,我覺得那些真的是很悅耳、很浪漫。

飯後友人載我們到車站。車子一啟動,耳邊即接收鄭秀文的舊歌。忽然,想車子駛久一點...


愛你是我一生中理想


理想對象


哭泣遊戲



餐廳到車站的距離太短,只聽了三首。

(唔好問我邊隻碟,車主都唔知,我更唔會知。首首歌D名都係阿V話我知,我才貼在這兒)

2010年6月1日 星期二

工作

我有些沮喪。

沒完沒了

功虧一簣

無能為力

我有些沮喪。