2010年12月22日 星期三

同學R婚宴

恭喜恭喜 R&R~~~~
昨晚的婚宴氣氛好好~ 我們都是非一般的愉快。
哈哈,做兄弟舒服過做姊妹  (我驚被打!! 我舒服,因為...我都唔洗玩接新娘遊戲  :P)

嗯,其實我真係識背MC稿,稿由姊妹供應。但係一出黎講,我就亂... 係都要睇貓紙定心神。
而且仲講漏一句!!!!



以下這個MV是新郎的「驚喜」,他婚宴的版本不同,新郎請另一友幫忙編輯。我忘了提賓客看歌詞!!!

在愛情裡會看到包容和犧牲
也同樣可以找到猜疑和欺騙
在你的身上可看到就像我的另一個你
在愛情裡要堅定忍耐和盼望
愛是不嫉妒不自誇和不張狂
...無論怎樣 順境逆境 富裕貧窮
健康疾病 快樂憂愁
我對你承諾
要一起到永遠

------------------------------------


新郎對我們很好很好。
知道我們這幾個單身的女兄弟一定無人接送,請帖竟然已包括來回的士錢~
又曉得我們都不懂化妝,付款請化妝師幫我們扮靚 set 頭。第一次這樣 full make-up,原來化妝品真是現代魔術!!


點解十點幾仲可以喺屋企寫blog?
呵呵! 我預了會遲起身,已請了Com Leave,我跟小隊領導說,今天早上會請「幾小時假」,究竟「幾」就要看可以幾點自然醒~

現在要上班了,Bye-bye~

9 則留言:

Ebenezer 提到...

圖中個大姑娘係妳?

小星 提到...

係呀~

小玄 提到...

真係做兄弟喎, 打晒呔...嘿嘿~
都係直髮襯你多D, 淡妝OK..掂..皮膚好乜妝都無問題.

相愛已經很難, 仲要搵到合適的愛侶更是難上難, 祝R&R往後日子開心快樂, 切記承諾是一生一世~

小星 提到...

哈, 你又見到條呔 ?? 我今晚再貼一張造型相娛賓喇~

另, 個裝都唔淡架... 我第一次貼假眼睫毛, 唔敢叫化妝師揀咁誇. 怕如果自己都不認得自己就慘.....

yeah!!!!! 祝福 R&R

小玄 提到...

小星,
雖然我一把年紀, 但眼力都未退化到眼濛濛既.
好少見女兄弟上場, R同學有創意..又要大讚~

P.S. 星星耳環個扣好特別下~

小星 提到...

吓?! 個扣標準架喎...
大部分穿耳的都是這種。

小玄 提到...

2張相耳環係唔係一樣?
我見第2張耳環吊住有D似扣針, 所以覺得特別. 講錯了不是扣~

匿名 提到...

再一次多謝各位!!

同學 R

小星 提到...

那個耳環原本不是這樣的,我太粗魯,之前除下耳環把它的閃石都扯甩咗...