2007年10月5日 星期五

記工作 1

今天跟老細去一間輕度特記 (special school) ,真正大開眼界!

到達即與大佬打招呼,他已說有興趣一起傾個案。我以為大佬咁熱心係因為佢身在特記,所以'特別'不同。唉...後來才知佢有 hidden agenda,開會抽出幾張剪報,一說兩小時。我旁觀老細和大佬的暗劍隱刀來來往往,實在歎為觀止!

我仍是小小小人物,應該都未需要學這種比劃方式。倒是老細做個案的情形要努力學習。

一去到房,她就閱覽成吋厚的檔案,做筆記,再觀課半小時,最後問相關人士幾條問題。前後不足二小時,即時比建議社工。幾時我先可以咁英明神武呢? (嘻嘻...有小小開心~老細考我時,我都答到部份建議。)

*********
不過,又再次發現做哩行要有強壯的胃。3點才有15分鐘吃午飯,然後趕巴士入天水圍開另一個小組前會議。入到天水圍,太陽都落山了。

沒有留言: