2008年7月8日 星期二

呃細路

明天又要一個人講手偶故事俾幾個4歲班的小朋友聽。

*************
故事: 下雨了
目標:學習面對失望
冰冰今天就可以去海洋公園玩。
(詢問幼兒,冰冰有得玩的心情。)

哎呀,落雨,好大雨呀。嘩仲打雷呀,「轟轟」好大聲。
(詢問幼兒,冰冰聽到打雷覺得點。)
係,會有啲驚
(詢問幼兒,為什麼冰冰這樣怕,可以如何解決。)
可以拍拍心口,令個心跳得無咁快,叫自己「唔使驚」; 又可以深呼吸。又可以攬著個咕 。個咕好舒服,無咁驚啦!又可以攬著媽咪。媽咪好錫我,唔驚啦!
(邀請幼兒一起進行)

咦落大雨,無得去海洋公園玩啦。
(詢問幼兒,冰冰無得去玩的心情。)
冰冰覺得好唔開心,佢好失望…於是佢…?
(詢問幼兒,好失望可以點做)
冰冰用力呼口氣出來,冰冰知道今日落雨無得去,不過唔緊要,下次再去。
係呀,天氣好先去玩,玩得開心啲嘛!
冰冰拿起圖書,看看圖書。
(可與幼兒一起看。)
過了一陣間,冰冰開心番啦。
原來,落雨可以睇圖書,睇一陣圖書就開心番啦!

*************

老實講,唔係咁鍾意自己作的故事。

打雷,真係唔驚喎。俾我話,閃電得人驚d,可以電死人!
唔...不過閃電難表達,唔知用咩道具好。(又要我畫公仔??唔好玩啦...)

落雨無得去海洋公園,如果好想去,點可能講句「唔緊要,下次再去」就無事?!
下次?幾時先下次!
仲話可以看圖書,看一陣圖書就開心番???


我剛剛為明天準備,練習講故事時,心裡不停掙扎 - 我咁樣呃細路,真係...
我都對自己好失望


算啦,我都只不過要迎合社會...學校...家長... (好,我認!) 要迎合老細期望。
有怪莫怪~

沒有留言: