2008年7月8日 星期二

搞關係

剛剛去家訪。
家訪前老細要我寫詳細的計劃,我寫了。
出發前,老細檢閱我的計劃,問「你諗住點開始」
唉...我又唔明,乜嘢呀....
原來老細話我的計劃裡沒有寫一個步驟 - 寒暄/打開話匣子。

我又發呆。
乜二個或以上的人見面還需要特別注明"寒暄/打開話匣子",這不是自然的嗎?
看見我發呆,老細續道「你要搞關係,打開話匣子,你應該還行」

就是啊! 無特別目的或要特定資料,有需要想說甚麼嗎? 正常無語障都應該「還行」嘛,還要寫下在計劃裡?


其實不只一次,老細提醒我要和客仔(學生)﹑家長等搞關係。
老細「....最重要係咩?」
小星「...」
老細「搞關係」

我其實唔係好明,乜關係要嘅咩。
***************

5分鐘前才收到兩年前教過的學生的電話約食飯。我想,他們每隔半年或九個月約食飯,我與他們應該有好關係吧? 回想轉頭,我從來沒有存「我要和某某搞關係」在腦海,也沒寫上教案。那末,
關係從何而來呢?


***************

我覺得人與人的關係自自然然就會發生成長。要關係,最重要大家有時間和機會相處。

2 則留言:

匿名 提到...

知唔知點解你老細覺得搞關係咁重要, 又咁需要當係一個步驟咁mark 低?! 因為佢本身的人際關係...麻麻地囉~ 對佢0黎講, 可能佢真係唔會同人寒暄, 一埋位就入正題, 好blunt咁樣 :-p

匿名 提到...

諗諗吓,佢無要我寫嘅,只係見唔到我寫就問要點開始。

見我發呆,佢提供答案架。
我可以讚吓人哋屋企整齊,d相或者裝飾好靚諸如此類...

佢真係教我如何寒暄。哈哈~

我唔知佢本身的人際關係,可能我同佢style差太遠,我哋唔夾係無可奈何的事。另外,老師唔想做多d嘢,或者唔認同佢嘅philosophy 所以唔同佢friend。因此用我或用老師都不大客觀,不過佢都有認自己唔social,唔鍾意social。但係佢知道「有關係」好重要,所以自己會"講笑"搞氣氛。唔...大概係咁。