2008年10月10日 星期五

重男輕女

看了 "The other Boeyln girl",雖然主線講女人爭權爭上位,但採用手段不僅美色,最最重要的手段是添丁!
不要以為只是戲劇或古時狀況,再看到這一篇 〔替我生個男孩,好嗎?

討厭 x 100000000000
點解今時今日的香港人仍然重男輕女?!

莫講讀書考試搵食俾家用男女差不多,仔女都係自己生,跟自己大,點解要重男輕女???

自己和身邊女友都持續受害...

小星不才,人家讀書十年八載,又或獎學金半工讀,我就要讀二十年,父母又要出錢出力支持。
媽媽的師奶朋友就由十年前間中教導媽媽「俾個女讀咁多書做咩,我兩個仔都唔俾佢哋讀啦,讀書用好多錢...」「係啦,你無仔,無得番去同人分身家」諸如此類。

女友A俾家用七八千,A媽媽仍有難聽說話。
反觀A哥哥俾一千,A媽媽覺得阿仔好! (還好小星沒有哥哥弟弟)

另一女友,姐弟一齊俾家用,當然姐姐未婚與父母同住會俾多幾年,錢又係多少少。
然而,父母剛剛將供完房貸的房子轉名予弟弟。儘管弟弟不在家裡住。


形形色色的例子,有心機再寫。

6 則留言:

匿名 提到...

重男輕女之事, 無日無之, 尤其關乎到權力金錢的繼承權時,更加重要。說到底,根本就是權力金錢的鬥爭

提到...

我娘視好似又重我多於細佬WOR...
不過佢又話個仔會省錢D,
因為最少唔使買M-巾比佢^^

Alice 提到...

你媽咪好搞笑 XD

匿名 提到...

谷鬼氣係點解要男得繼承權/金錢喎
大家都流咁多父母的血姐...

再講,其實好多例子係祖上和父母都無乜身家,硬是搞「排擠」女兒的小動作。

匿名 提到...

小說裡有一句
「越是文明,女性地位越高,落后地區最踐踏婦孺,還有,最蹩腳的男人才輕蔑女性...」

匿名 提到...

我真係好唔明, 阿媽自己都係女人...