2009年1月31日 星期六

16

俾人tag完又tag,我唯有努力諗吓有乜16項寫啦~

要花點功夫諗,因為我一直都有寫「我的習慣,喜好,目標」; 基本上blog 95%的內容都是「我的事情或任何各不相干但有關我的東西。」例子 (整整一個月都寫「自己」)

如果不小心重覆了你已看過的,只能說抱歉。(我又知一定得你原諒喎,呵呵~)

***********************************************
規則:當你比人tag左,就要寫一篇note,內含16項有關你的事情,習慣,喜好,目標.... 或任何各不相干但有關你的東西。

************************************************

1. 我與母同住,父殞,唯一的妹妹在台灣工作。媽媽對我有「無微不至」的照顧。我不懂做家務,也不想學做家務。我一直食半殘廢餐,離不開媽媽。

2. 我現在不是老師不是社工,但主要在幾間小學工作。

3. 我曾經在醫院某前線小部門工作,除了醫人和清潔,乜都要做。後來,我又做過中學老師,雖然只有很少很少學生,我又無令佢哋識字。

4. 我很小很小的時候,曾經學過畫畫。媽媽一直都說 (係,佢宜家間中仍提起) 我畫人似鬼,畫鬼似鬼。美術科老師不合予我 comment,但長期給我 C或 C+。

5. 我一定是標準香港人,因為我唔識彈琴,但識考試! 英國皇家鋼琴試150分滿分,100分合格。我最後幾次都攞 10x分,然後有幾張 cert.。中學時(好似大一都有做),試過教人,但我有良心,三級以上不教。太有良心又搵唔到錢,索性唔做。反正我不是追星族,又不買名牌,家裡給的零用錢夠食飯搭車。

6. 我參加了地區的童聲合唱團約十年,跟大隊去過廣州和京都表演。又因為有長期訓練,雖然中學沒有音樂老師 (學校話請唔到!!),也參加幾次校際音樂節,又呃咗幾張紙。

7. 我以前幾重視名次﹑證書,表演或可以 show-off的,因為這是我與爸爸溝通的話題。啊! 忘了解說~爸爸自我小一起就在內地工作至死,大概有18-19年,他一年只回港四次,每次約5-7天。爸爸難得回港幾天,所以我沒有試過一家四口去旅行。小時候打IDD好貴。小學時通常考頭三名就會打電話俾爸爸。後來中學IDD便宜多了,打電話的次數會較多,但我不懂可以跟他說甚麼,除了有值得 show-off的比賽名次﹑證書,表演。

8. 我對爸爸的工作和生活不了解。就是他在北京我也以為他在上海。收拾遺物才從卡片見到他的職位。其實我有努力了解的,卻失敗。最常聽到他說「溫書啦」 - 就算我已大學畢業; 他又有惡劣語氣的「唔洗做咩!」。我有十萬個討厭這一句,爸爸死了,我不希望再聽到這一句從任何人口中對我說,否則我會發脾氣。

9. 是的,我其實不算是好脾氣的人。

10. 朋友覺得我好,是因為我的朋友好。人家對我好,我一定要以「好」回報。否則,我會覺得自己欠了他/她,心裡不舒服。

11. 朋友會關心我,當我宣佈了。他們會問點解係佢,點樣開始云云。起初,我會好努力解釋和想原因。後來,我發現我說的都無說服力。其實,最好的理由/原因係我撞邪! 如果你說他對我落降頭,我應該不會質疑你,而只會問你「效力有幾長」。

12. 我知有好多 unfavourable factors,所以不用鼓動我分析利害,問我點算。我唔識答哩!我知邏輯推理加減乘除不同因素,你們期待的合理回應為何,不過,我撞邪嘛。

13. 其實某人都好慘。我扭計﹑固執﹑驕傲又自尊心強,不是一個好情人呢!

14. 突然想,其實我都係PDD底,不能逐點詳寫,唔想再打中文字。

15.但係想講,我喜歡日本料理,搵我食飯次次約同一類餐廳都ok。 

16.我不喜歡打中文字(終於寫完十六項)。

----------------------
後補
反正大家都覺這篇負面,唔好浪費...寫多d 「不喜歡」~

不喜歡中樂 (獨奏尚可接受)
不喜歡吃紅蘿蔔
不喜歡溫習
不喜歡出汗
不喜歡嘈
不喜歡熱
不喜歡冷
不喜歡委屈
不喜歡知道人性醜陋
不喜歡明白有許多限制
不喜歡人與人之間的沉默
不喜歡買不到合身牛仔褲
不喜歡理解 hidden agenda
不喜歡眼﹑口和手腳不協調
不喜歡俾人 manipulate或擺上枱
不喜歡跟不上「大隊」/做 outliner

不喜歡.......

7 則留言:

匿名 提到...

As if most of the statements tended to be negative..~ I wonder you can write a lot more on the positive side~

Classmate R

匿名 提到...

Point taken.
I try!

Miss Kwong 提到...

Thank you for sharing. :)

匿名 提到...

Add oil ar ~~ 等得閒再食lunch ~

匿名 提到...

看完了~~瞭解小星多一些

我都希望你寫多d開心事, 繼續加油~

高貓 提到...

我最怕比人tag呢d野,因為想了解我的大可親自問,想講的自然會講。
食日本野係我強項,下次我地一齊去!

小星 提到...

Miss Kong

:)

Kapo
好,不過你能到銅鑼灣lunch嗎?

小玄
其實我再重看寫的...沒有太多「唔開心事」喎。多數係neutral嘅。我沒有太多「不開心」。

高貓
食日本野係你強項,但係你有咁多青年才俊請食飯,幾時先得閒一齊去喎~
再講,我呢d低收入人士唔可以食貴野架,你諗餐廳時會比較難。