2010年4月19日 星期一

賣廣告

新一批未來同行就畢業,各大會又開始搶人,所以到學校賣廣告。

包好部派出俊男美女加一班高層表示誠意。
我這個小薯好興奮咁問俊男美女,「點呀,你哋講咗D乜,D人嘅反應點?」
俊男美女略略覆述。我愈聽愈奇「咦,點解無講待遇嘅?」
俊男美女無奈地答「係呀!」
OK,我明哂!!!

即係好似宜家D樓盤廣告,放兩個靚靚模特兒,著比堅尼游水,飲紅酒。不過,無人知個樓盤喺邊度。
宜家有份工,話俾人知好野黎架,有俊男美女有型有款得體大方。不過,唔知有乜Job duty,幾多日假幾錢人工。你唔好理,總知就加入我哋,入咗我哋到就好似佢哋咁。又或者可以理解為,你係俊男美女有型有款得體大方就應該加入包好部。

我順便刺探敵情,發現隔離會派出俏嬌娃三名(嗱,唔做俏嬌娃仲有福祿壽同煎釀三寶你哋揀),我覺得兩個會完全係sell唔同style囉。所謂青菜蘿蔔各有喜好。d未來同行都可以set優次入合性情嘅會。就我推測,看來大概是「嘈者愈嘈」。

6 則留言:

匿名 提到...

還是煎釀三寶吧. (福祿壽有點老, 俏嬌娃有點擔當不來)
hmmm..其中一些片段:
1) E負責分享同事間的mutual support, 她說:「有資深同事的支持etcetc..至於同期出道的同事, 支持更大, 因為剛出道總覺得自己樣樣也做不好, 又不efficient,自信心大跌, 但看看身邊的她和她 (附真誠的眼神), 便會重拾自信,覺得自己也不太差......

2) C 錯誤地稱呼各位同學做"同事", 立即厚著面皮說太想大家成為自己的同事, 之後E & T 還要熱烈的和議著......離開前, 三人還梗要說"各位準同事再見"....

唉.....

小星 提到...

我都話Sell唔同嘢喇!!!
我哋派出嗰兩位點會咁呢~

匿名 提到...

T: 樓盤廣告個比喻好正正正 (參考自閣下之呀呀呀)BTW, 原來我地3個加埋係ETC

小星 提到...

T小姐

樓盤廣告個比喻好正正正<---多謝謝謝。(空谷回音mode)

3個加埋係ETC <--- 滴汗!! 「'et cetera'等等等等等等等等 」耐人尋味的組合~

我覺得3位的吸引力強大,估計應成未來同行首選。

匿名 提到...

etc 我諗起櫃員機。

我對你的樓盤比喻極有同感,我試過好多次睇晒成版廣告每一粒字都搵唔到個樓盤0係邊度,例如最近的「名城」同之前無限咁多個樓盤都係咁

雪人

P.S. 聽聞我地會都好多同學仔報呀 :P

小星 提到...

etc 真係正...
------
大家都喜歡樓盤比喻,咁就說明包好部是次賣廣告會幾「成功」。