2010年10月6日 星期三

是日零零碎

今早與同事談到保健食品。
我語帶興奮說「我無嘢做走咗去醃蒜頭,我見網上面D人咁整嘛~」
同事很激動「你。無。嘢。做?!」
我知講錯說話「中秋遮中秋遮...我放假唔想做返工D嘢嘛」
同事「咪係,你點會無嘢做!!」

其實佢做乜咁激動呢...哩間廠都唔係好多人排隊食包,我係工廠女工黎架嘛,有需要咪最多安排2-3日做到嘔日程清客囉~
-------------

我今晚會去學游水。
嗯,繼小學失敗,現在人到中年「又」學游水。
希望學得識。
好希望學得識。


















算了,又學不曉的話就當自己去郁手郁腳做運動。
都唔想自己Self-fulfilling
但是,經驗告訴我,我學不曉的機會比較大。
唉.......
唉...唉...........




學游水前要購置裝備(泳鏡浮板等等),昨晚收工趕忙到運動店買。
除了準備學游水裝備,我還特地去買了幾件精美西餅。
我記得小時候,學完游水總是很餓,總是要在泳池附近的小食店買豉油王雞脾。現在學游水的地點轉在屋企樓下,學完游水找不出雞脾來,唯有退而求其次。
---------------------

第一堂完結,感覺良好。
覺得阿Sir都幾靚仔,身材又幾好。(不過我有6百幾近視喎,游水堂唔會帶眼鏡喇....)
我都有學到d嘢,我有浮呀沉到。
我隔離位姨姨好怕水,成個鐘先敢浸濕個頭。(所以我已經覺得我自己好叻。)

為咗鼓勵姨姨,我同佢講「嗱,其實飲水都唔係好驚遮,而且哩度d幾好飲。」
姨姨啞咗。阿Sir話「唔好飲哂d水喎,我陣間要游。」
我好聽老師話,我好努力飲少咗架喇~

2 則留言:

小玄 提到...

白醋 + 蒜頭???

我都唔識游水..真失敗~你去邊度學?
前幾年本來我報左報, 最後開唔成班..之後無再報.

小星 提到...

小玄

白醋 + 蒜頭??? <-- 係
你去邊度學? <-- 屋企樓下d游泳小組