2010年12月12日 星期日

生活零零碎

答應加入友結婚的兄弟團。
我還答應了做拋頭露面的工作 -- 我會是其中一位司儀!!

只剩不夠10日,連自我介紹都未想到~
有點驚慌呀呀呀
-----------------------

早兩日鼻尖長了一大顆的紅暗瘡,友說這是代表破財。
為怕麻煩,我昨天馬上「應」了。我設定了交稅日期!
真是破大筆財啊! 希望「應」了之後,不用再破大筆財了。

(我知我知,我可以有能力交稅是福份; 我知我知,香港已經低稅率。不過我無其他免稅額,要嘔接近兩個月人工的稅,總是肉痛呀!)

-----------------
重讀《朝花夕拾》,嘆氣。

“我高不高興有那麼重要嗎?”
“有,很重要,你不快活,我亦不快活,為求自己快樂,先要使你快樂。”

17 則留言:

匿名 提到...

自我介紹有幾複雜呀......?

同學R

小星 提到...

好難呀大佬...
剩係自我介紹都十個難,唔通撻全朵就算?要諗之後的講稿更難。

上次姊妹問點解我哋幾個做兄弟我都覺係自我介紹一部分...咪又唔係幾識答囉~

匿名 提到...

好好好,妳留個星期五俾我,我地度下D稿~~

(殊,星期五,我「罷工」架啦,殊~~~)

同學R

小星 提到...

唔使殊喎,我覺得好應該 :)

小玄 提到...

小星,
應該捐錢到慈善機構, 有得扣除入息課稅, 雖然條數一樣, 起碼幫到有需要人士.

小星 提到...

要Keep收據呀,記住數都幾煩...
一年幾次一百幾十元咁捐咗就算囉~

不過我知同學仔都做緊,可以參考參考,出年我諗諗:)

Ebenezer 提到...

入友結婚的兄弟團?乜原來妳嘅真身係男人嚟架?

小星 提到...

哈哈, 何謂真身 ?
我身份證性別欄 - 女.

但是友可能覺得我是"男" ??
又或者一個女性軀殼裝了一個男靈魂??
又或者根本看不出是女的呢! :)

匿名 提到...

但連小朋友都看得出係星姑娘。。。。應該仲看得出是女的呢!哈哈!

小星 提到...

小朋友看的,跟大人向來不一樣 :)

小玄 提到...

哈哈~原來小星係現代版花木蘭.
"問女何所思?問女何所憶?女亦無所思, 女亦無所憶。"

小玄 提到...

哈哈~原來小星係現代版花木蘭.
"問女何所思?問女何所憶?女亦無所思, 女亦無所憶。"

小星 提到...

差很遠吧......

匿名 提到...

妳有女兒的美顏,男子的氣概嘛~~

同學 R

小星 提到...

同學 R

男子的氣概< 不知什麼來的。
不過美顏就肯定無囉~

匿名 提到...

男子氣概:兩脇插刀。

同學 R

小星 提到...

:) 咁我的確有呀, 兄弟!!